"Сенім" өзін-өзі басқару ұйымы
Қыркүйек айының басында жоспар бойынша «Сенім» өзін-өзі басқару ұйымының Ұланбасы мен мүшелері сайланды. Ұйымға жалпы мектебіміздің 10 сынып оқушыларының, барлығы 27 оқушы, «Сенім» өзін-өзі басқару ұйымының мүшесі болып сайланды. Ұйымның Ұланбасын мектепбіміздің 6-11 сыныптар аралығында дауыс беру арқылы сайланды. «Сенім» өзін-өзі басқару ұйымының белсенділері болып төмендегі оқушылар сайланды:
«Сенім өзін-өзі басқару» ұйымының Ұланбасы: Тәліп Азамат
«Сенім өзін-өзі басқару» ұйымының білім министрі: Бақбергенұлы Дамиржан
«Сенім өзін-өзі басқару» ұйымының ақпарат министрі: Жансерікқызы Айсұлу және
«Сенім өзін-өзі басқару» ұйымының мәдениет министрі: Ілік Алихан және Қадірхан Ерден
«Сенім өзін-өзі басқару» ұйымының спорт министрі: Бақберген Бекнұр
«Сенім өзін-өзі басқару» ұйымының еңбек министрі: Бақытұлы Арман
«Сенім өзін-өзі басқару» ұйымының тазалық министрі: Манат Көпжан «Сенім өзін-өзі басқару» ұйымының ішкі істер министрі: Қанатбекұлы Аян
«Сенім өзін-өзі басқару» ұйымының сыртқы істер министрі: Серікұлы Бексұлтан және Бекболат Ағлан
Қыркүйек айының ортасында жоспар бойынша «Сенім» өзін-өзі басқару ұйымының мүшелерін қабылдау және Ұланбасын ұлықтау рәсімі өтті. Қабылданған ұйым мүшелері және ұйым белсенділері мектеп оқушыларының алдында ант берді және мектеп-лицей директорының у.м.а Гульнара Жаңабатырова ұйым мүшелеріне арнайы тігілген «Сенім» ұйымының белгісі бар галстуктерді табыстады.
«Сенім» өзін-өзі басқару ұйымының ұйымдастыруымен 04.10.2021 жылы, ұстаздар күніне байланысты "Ұлылықтың басында ұстаз тұрады" атты ұстаздар арасында эстафеталық жарыс өткіздік.Аталған жарысқа жалпы 4 бірлестіктен 4 команда қатысты. Осы командалар арасынан басым түсіп Тілдер бірлестігі "Самұрық" командасы жеңіс тұғырынан көрінді. Соңында марапаттау рәсімі жүргізіліп, қатысқан командаларға бағалы сыйлықтар берілді. Ұлағатты ұстаздар мерекесі осы жылы ерекше жарыспен есте қалды. Және осы жарс аудандық «Қарқара» газетіне жарияланды.
К.Нұрпейісұлы атындағы мектеп-лицейі , “СЕНІМ” өзін-өзі басқару ұйымы ұйымдастырған “Жақсылық жасап жарысайық” атты қайырымдылық жобасы аясында мектебіміздің 6-10 сыныптар аралығында жәрмеңке ұйымдастырылды. Жәрмеңкеге қатысқан әр сыныпқа алғыс айтамыз. Жәрмеңкеден түскен ақшаға, үйден оқитын 2 оқушымызға сыйлықтар және сабаққа керекті құрал-жабдықтар алынып тапсырылды. Екінші бөлігіне қарт кісінің үйіне азық-түлік алынды және оқушыларымыз 2 қарт кісінің есік алдындағы қарларын күреп, тазалап берді. Осындай қайырымды жастарымыз көп болсын. Мектеп оқушыларына және “Сенім” ұйымының мүшелеріне ерекше алғыс айтамыз. Мектебімізде осындай игі істер көп болсын!!
“Сенім” өзін өзі басқару ұйымының ұйымдастыруымен 3 тоқсанның соңына дейін, әрбір жұма күнін “National values day” - «Ұлттық құндылықтар күні» деп арнап отырмыз. Бұл шараны ұйымдастыруымыздың басты мақсаты: Қазақтың ұлттық құндылықтарын оқушыларға дәріптеу. Қазақи нақыштағы киімдерді тек 22-наурызда ғана емес, күнделікті немесе басқа күндері де кие алатынымызды дәлелдеу. 25.02.2022 жылы бастау алған бұл шараға 5-11 сыныптар аралығында және мектеп ұстаздары қазақи нақышта киімдер, ер адамдар тақия, шапан, қыздар камзол киіп , әшекей бұйымдар тағып келді. Бұл шарамыз әр жұма сайын жалғасын тапты.
22-наурыз мерекесіне орай «Қош келдің Әз Наурыз!» атты іс-шара ұйымдастырылды. Іс-шарамызға 1-11 сыныптар аралығында барлық оқушылар қатысып , өз өнерлерін көрсетті. Ұйымдастырылу барысында жылды қортындылау мақсатында мектеп бойынша неше түрлі номинациялар берілді. Мысалы, атап айтқанда «Ең шулы сынып» - 6 ә сыныбы , «Ең тыныш сынып» - 10 ә сыныбы, «Мектеп мақтанышы» - Серікұлы Бексұлтан, «Ең үлгілі сынып жетекші» - Сағымбекова Гаухар, «Ең сәнді ұстаз» - Төребек Самат, Кокимбаева Айда, «Ылги кешігіп келетін оқушы» - Ернатқызы Еркежан , «Ең әдемі кабинет» - Бинур апайдың кабинеті. Осы іс-шарада “National values day” - «Ұлттық құндылықтар күніне» байланысты қортынды жасалында және марапаттар ұсынылды.
“Сенім” өзін өзі басқару ұйымының мүшелері 1-мамыр Бірлік күніне орай алаңда украин және өзбек биін биледі. Осылайша аудандық іс-шарада өз белсенділіктерін танытты. Наурыз айында жоспарға сәйкес сенбіліктер ұйымдастырылды. Сенбілік мектеп ауласында өтті.